سهر

‎​‎​وليا بدالي في ثناياك ملزوم
غنيتلك من جزل الابيات موال
لأنك ورب البيت بالحسن مرسوم
حسن وجمال وخصر ضيق وميال
يام الجمال الفاضح بقصد محشوم
ادري غصب عنك تبين بك ذهال
اشد وانا بلهواء قاوي عزوم
وأتبع خطاوي رحلتك وانت رحال
لاوالله اني ماتقلطت معزوم
لاكن تدريبي على الزين سئال
واقوم واجلس وافطن شوي واقوم
واجلس واقول شوي باقي ولازال
زينك على الحساد يالورد معصوم
ولاالجديل اللي الى نكت شلال
يازينه الديره ويازينة القوم
يحقلك يالترف تاقف وتختال
عزاه يلي قاضي العمر محروم
ماشفت عين الحر يومنه انجال
البدر والقيفان والبحر والعوم
والكيف الا يروي الراس فنجال
والطير غادي والولع دارج الحوم
وشقلت مدري ضاع شعري والاقوال
اعكس شعري واقبل النقد وألوم
وادري مصير الوقت يفنى وينزال
بلمختصر ان الهواء مابه سلوم
والسلم دايم واكثر الوقت حلاال
واللي تعلق بلهواء بات مضيوم
وعوين منهو بلهواء صابه هبال

تكلم

ياقلب مامرك حبيبك وكلم ....
أول بخل بالشوف وألحين بالصوت

فرصتك ياقلبي تعيش وتعلم....
إن الهوى والعشق نزوه وبتموت

إجمع سنينك للفراق وتولم....
وإضحك عليها كل مافاتك الفوت

ياسيدي والليل غطى وظلم....
وأنا صحيت وفي يدي سبعة كروت

كتبتها لك يوم كنت أتحلم....
في شوفتك والشوق مرمر وياقوت

عليك صبري بين الأضلاع علم....
وعليك شوقي داخل القلب مكبوت

وأنا الوحيد اللي بقربك تألم....
تعطيني السكين وأعطيك أنا التوت

أكلمك والعذر غالي وسلم....
ولا الصراحه جد مشتااااق لك موت

أمانتك لا ضقت مني تكلم....
وأنا أوعدك ماعاد أسمعك هالصـوت

الذيب

‎​نرمي هقاوينا على نية الغيب..
والبحر يغنينا من الجزر مده..
ولاينحمد وقتن كسر هيبة الذيب..
ولاينحسب ندن على غير نده..
لنا مواجيب وعلينا مواجيب..
وكم من كريم يمشي الوقت ضده..
أما نجي بكفوفنا راهي الطيب..
وإلا نغيب ولا قليل نمده..‏
مثلك فلا يحتاج ياالقرم تجريب..
طيبك محال الخلق تقدر تعده..
طيبك نهر مافيه شكن ولاريب..
ماينطحه من كثرت الجود سده.

القلوب البيض

‎​‎​​​يوم هبّ الوقـت وأعمانـي عجاجـه
الفرج عيّا .. وأنـا بالصبـر راهـي

ويوم مال وطـال ميلـه وأعوجاجـه
رحـت أدوّر شـي ٍ يشـد إنتبـاهـي

وشفت زولك مقبـل ٍ مثـل إنفراجـه
كنّه اللـي جايـبٍ عـزّي و جاهـي

يـاه ياضيقـات صـدري وإبتهاجـه
تذكر آخر مرة ٍ شفتك ..متى هـي !!

صاحبـك مـن يومهـا زاد إحتياجـه
وأمتطى ظهـر المصايـب والدواهـي

سولف الليلـه علـى قلبـي و ناجـه
من بقى لي غيرك أفخر بـه و أباهـي

يابعـد مـن كـدّر غيابـي مزاجـه
ويابعد من مـرّت حروفـه شفاهـي

رغم حيرة قلبـك ورغـم إنزعاجـه
الزمن .. ماغيّـر احساسـه تجاهـي

][ ورغم وحشة بعدك وقسـوة سياجـه
كل حاجه فيـك ظلّـت مثـل ماهـي ][

الخجل فـي وجهـك أول مـنتواجـه
والبراءه في عيونـك وأنـت ساهـي

وبسمتك لامن بغيـت تقـول حاجـه
وغيرتك لاشفت كنّـي عنـك لاهـي

قبل أشوفك .. والزمن عاقد حجاجـه
أسأله : وش فيك ؟! وألقى العذر واهي

ويوم شفتك قلت للوقـت وعجاجـه :
هيه ياللي في طعونـك كنـت راهـي

أنت لـو غيّـرت فينـا ألـف حاجـه
القلوب البيـض تبقـى مثـل ماهـي

خطر

‎​​خطر خطر والشوق وداني الى حد الخطر
لأني على شوفتك فاض الكيل واسمع مايلي
من السهوله اختلف وياك في وجهه نظر
لكن من الصعب نتفارق يالغرام الأولي

بنيت لك في داخل فوادي من اللهفه قصر
وعروق قلبي تحمل اثمار الغلا المتمايلي
في غيبتك احسب معاي اليوم في حسبه شهر
أما الشهر يُحسب سنه في حسبه اللي مبتلي

لك في فوادي نهر واحساسي من الغيمه مطر
أنفاسها شوق تعطرها غلا بحكاك لي
أكبر قهر أنك تربي ورد على ضفه نهر
ويموت زرعك بالضما والضيم عيا ينجلي

تعال ياأول غلا من الصغر لين الكبر
تعال يا حلم الطفوله قولها مشتاق لي
تعال واسمع قلب غنى لك من اللهفه خطر
خطر خطر وارحم فؤاد ٍ في غرامك مبتلي