يسعد مساكم

طبع الحشيم يكون وافي مع الناس..
محشوم طبعه والمعاني مباديه..
الطيب له موروث ساس على ساس..
الأصل طيب محتشم في معانيه..
جيتك مسلم قاصدن كل نوماس..
الصدق في قولي ولاني بمخفيه..
أنته سمو الحسن وفريد الأجناس..
شخصك لطيف مالقينا شراويه..
اختاركم قلبي أنا من بد هالناس..
ولي مثلكم يازين نفخر نخاويه..

Empower your Business with BlackBerry® and Mobile Solutions from Etisalat

الصين

‎​‎​‎​‏​‏​‏​‏​‏​‏​‏​‏​‏​‏​‏​​لو لا الأمل ما عاش فينـا مساكيـن
ولو لا ألوفا ما ينعرف قدر الأصحاب

وأيام عمرك يـا فتـى بيـن يوميـن
للطيب ولا للـردى علمـك يجـاب

أن كنـت فالعليـا تحـوز النياشيـن
وعْلى الدروب الغانمة نلت الألقـاب

أبشر بعلم مـا تخالـف بـه أثنيـن
وأبشر بحبٍ يسكنك بيـن الأهـداب

هذا نصيب اللي على الخير ماشيـن
اللي من قلوب البشر دايـم أقـراب

والرجل ماله عن طريـق المياميـن
أن كـان للجزلـة شغوفـاً وطـلاب

وعليك باللـي لا تمـاروا الشياهيـن
يشّوش رأسـه للمدايـح والإعجـاب

يسعا لكسب ألمرجلـه علـمٍ وديـن
باعه طويل وفـي المهمـات كسـاب

رجلاً ليا صكـوا عليـك المعاديـن
وتسكرن دونـك مغاليـق الأبـواب

ينشد ظهرك به مع العسـر والليـن
له موقفٍ صامل وفي الحرب شبّـاب

هذا الصديـق اللـي يقديـك لزيـن
والفخر في صحبة طويلين الأشنـاب

وعلم المراجل ما يجي في مواعيـن
علمٍ يورث مـن تواريـخ الأنسـاب

وللحب في قلوب الرجاجيل دربيـن
للخيـر درب وللمحبـة بعـد بـاب

ولا تعشق إلا بنت طلـق الحجاجيـن
النادر اللي كل ربعـه لـه أحبـاب

أن عشت تلقى بذرتك في الفراعيـن
وأن غبت يبقى لك مع الناس مرقاب

والشوق ضامر في قلـوب المحبيـن
وكم شاجع ٍقبلك من الحب ما طـاب

راحت حياته في رجا كاحـل العيـن
وأمسى عليل من الهوى كنه مصـاب

هذي علومي لك قبل تاصل الصيـن
ويطيح سهمك بين ربعك والأجنـاب
Empower your Business with BlackBerry® and Mobile Solutions from Etisalat

عذر

‎​ليتـه تعـذّر كـان مـاهـو بـمّـلام ..
.. بعد ماشـااف الـدرب بيسيـر دربيـن

اشوى عليه شوي..مـن عـظ الابهـام ..
.. واشوى علي شوي..من دمعـة البيـن

تمشـي بنـا الاقـدام والمـوت قـدام ..
.. وميعادنـا يمفـرق اثنـيـن بعـديـن

ياعيـن لا تبكـيـن وعيـونـه تـنـام ..
.. عادش الى ما خـاب ظنـي بترضيـن

المحبه

‎​اهو بكيفك عقب شيٍ حصلي ..
.. من ذوّق المحتاج يصبر الى احرجْه

خليتني من حلو حاليك احلي ..
.. واصبحت مدمن حب والقلب روّجْه

بين العروق وصار مافيه " ملي " ..
.. الا وله جُرّه تمرّه وتسهَجْه

وذود الغلا في عشب قلبي تفلي ..
.. وتراب صدري للمطر منـْك ما احوجْه

يمحل الى صدّيت ويموت يا اللي ..
.. صديت عنـّه والله احياه واخرجْه

ولي خاطر ٍ يسألـْك من لي ياخلي؟ ..
.. غيبتـْك تلعب به وشوفتـْك تبهجْه

البارحة

‎​البارحة ربي كتب لي ومريت ..
..دربٍ عليه بروق الأحباب لاحت

جيت المكان اللي جمعنا وخفيت ..
.. وقامت جروحي للجوارح وصاحت

ياليتني في لفة الدرب زليت ..
.. كان العيون من الدموع استباحت

التم غيم الدمع من يوم لفيت ..
.. وورقا القصيد لشوفة الغيم ناحت

وضحكت ماأبغي الناس تدري يبالفيت ..
.. لكنها غصبٍ على العين ساحت

حارت دموعي في عيوني وصديت ..
.. وأرمشت مابيها تبين .. وطاحت

وعقبه برق في العين براق .. واسقيت ..
.. خدي ووناتي بصدري تلاحت

وأنا أحسب إني في فراقه تشافيت ..
.. وان عبرتي من مدخل الزاد زاحت

الغلا

‎​اح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

الحب

لحب مثل النوم .. والوصل .. الاحلام..
.. والشيين من الاحلام..صـد المحبييـن

نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن

وانا رقدت وعمري اربع عشـر عـام ..
.. وصحيت في شهر اربعه عام الالفيـن

نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن

صحّى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن

ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟